كداب حبيبي . بقلم الشاعرة القديرة / هالة أحمد المسلماني
كداب حبيبي
كداب حبيبي في حبه ليا
الصدق مش طبعه وضحك عليا
خدني من ايدي لدنيا حلوة
سابيني لوحدي وغدر بيا
كداب حبيبي في حبه ليا
ليه تبعيني وقلبي شاريك
بكرة تندم وترجع ليا
لقلب عشقك ووهبك حبه
وسقاك بايده عطف وحنيه
كداب حبيبي في حبه ليا
لف وعيش ودور وشوف
الأيام أهي رايحة وجاية حتلقي نفسك خسرت قلب
كان جزاؤه غدر وأسية
كداب حبيبي في حبه ليا
ياخسارة حبي ليك ياناكر هوايا
حكايتي معاك تنفع رواية
يحكي عنها الكبير والصغير
وتتبعت منها للعشاق هدايا
حبي كان حقيقي ليك ياعمري
كان نفسي تحس بيه فيا
كداب حبيبي في حبه ليا
لا عهد صونته ولا وعد وفيته
وأنا ولا لحظه في عمري نسيته
أحلى غرام في الدنيا هاديته
باعني وخاني وساب الجرح ليا
كداب حبيبي في حبه ليا
هدمت بايدك عشق كبير
يتغنى على الربابة وينفع مواويل
كان محال الغدر بل مستحيل
بكرة تتمنى ترجع تاني
وتندم وتحزن ياعمري عليا
كداب حبيبي في حبه ليا
ياحب كان ماضي خلاص وانتهي
قفلت أنا قلبي من وقتها
دقات قلبي بتنبض بإسمك
كتمت النبض بايدي لها
ومسحت كل اللي ليك فيا
كداب حبيبي في حبه ليا.
بقلمي هالة أحمد المسلماني.
