انتي . بقلم الشاعرة القديرة /منال عبد الله رياض عبدالله
انتى
ايوه انتى كنت بعتبرك اختى
كنت دايما بفضلك على نفسي
مكنتش اعرف انك معندكيش غالى
عملت معاكى كل الصح لكن انتي
كنتى كلك غل وحقد عليا
طب لي كده القسيه شيلاها
فى قلبك ليا
دانتى عمرك ماهتلاقى زيي
ولا كمان هتشوفي حنيه
نكرتى كل الجمايل وقلبك
من ناحيتى اسود وشايل
شيلتك فى قلبي وجوه عينيا
بس انتى متستهليش منى حنيه
خلاص بقا انا عرفتك على حقيقتك
لأ وكمان كرهتك ما هو اصله مش منى
دا كله بقا منك انتى بان اللى فى قلبك ليا
روحى ودورى عليا صدقينى مش هتلاقي
شبيه ليا اصل انا قلبي طيب ومش م السهل
تلاقي الطيب انتى عارفه انا مين انا الاخت
اللى ضيعتيها من سنين
غيرتى لونك زى الحربايه وجايه تقولى تعالى
ارجعى خلاص كفايه
بعد ايه دانتى كنتى بتحطى سمك فيا زي الافعي
وانا كنت بخلصلك ومش عارفه
ولسه ياتري بتقولى ايه من ورايا
خلاص مبقتش آمنلك ولا قلبي خلاص هيميلك
انسينى وابعدى عنى خلاص عمري ماهسامحك
دانا قلبي انكوى بنار جرحك
يلا ياحربايه اتلونى براحتك مخلاص بنتي
على حقيقتك وكده كفايه
بقلمي منال عبدالله رياض عبدالله
