عشش جوه احلامي . بقلم الشاعر القدير * ابراهيم رمضان
قصيدة عشش جوه احلامي
للشاعر ابراهيم رمضان
عشش جوه أحلامي
وحرك نفسي جواها
وسلمها كمان غنوه
يضيع الحزن وف ثانيه
م انا اللي عشت العمر
استناك
وصبر نفسي وقول
بكره
هيجي حبيبي و تلقاك
وطال البعد ياعنيه
فضلت استنى
جواب يجي يقول راجع
سنه عدت سنه جايه
وقول يرجع مفيش فايده
وارسم جوه أحلامى
غناوي كتير
وصبر قلبي
وارسمله كمان
صورتك
اتاري الوش مش وشك
ملامح تاهت جوه أحلامى
ودابت م الدموع والحزن
تعالى وحرك روحي من تاني
وسلملي كمان روحك
اداوي كل أوجاعي
وأرجعلك حبيب تاني
وطمن وانا جنبك
احس الروح بتندهلك
وترسم تاني في ملامحك
تعشش جوه أحلامي
