انا والنجوم . بقلم الشاعرة القديرة / هالة أحمد المسلماني
انا والنجوم
سهرانة اسأل عن
حبيبي نجوم الليل
ردت عليا نجمة
قالت ليلك ياحلوة طويل
مالك تايه وحزينه
شوقك ياغاليه لمين
قولتلها لأغلى حبيب
مفيش منه اتنين
سهرانه افكر فيه
وهو مشغول بمين
بغيابه عني بيوحشني
من غيره عمري حزين عقلي من غيره شارد
قلبي في هواه مسكين
روحي في غرامه ذليله
في بعاده جسدي عليل
هو زهرة عطرها فواح
هو نور من غير قنديل
ردت عليا وقالت
حابلغه مرسالك حبك ماسمعت عنه
ولاحتى في المووايل.
بقلمي هالة أحمد المسلماني.
