كلاب الليل . بقلم الشاعر القدير / عبد الله رجب أبو عدنان
كلاب الليل... بقلمي عبدالله رجب ابوعدنان
كلاب الليل مسعورة
وخلق كتير مزعورة
م الهم ياما شافت
قافل خاشمك وساكت
وبطون م الجوع ما نامت
وحزينة الصورة
ديب سعران وفارد
الحزن فينا صاعد
غنيوة الخوف سلاسل
يا عم طالع ولا نازل
تجيش مرة نبادل
ونغير المعمورة
بصرخ وصوتي مكتوم
مفزوع وقايم م النوم
ع دوا إبني موجوع
حد يقولي اية الموضوع
ولية مش باين السطوع
والشمس تملي بعيدة
اسكت والسكوت بيموت
يا ناس تحب تفوت
وناس راكبة العلالي
وحدي بغني موالي
تعالى ف حضني طوالي
يا حزن ليك وحشه طويلة
ديب الغلابة كاسر
فينك يا واد يا ناصر
ترمي شبك المحبة
تخليهم ف الجحور تستخبى
نفضل حبايب وقربه
كلمة ف زوري محشورة
يا كلب ابعد بعيد
دا لسة طفل وليد
كفاية عض ف جنابي
وشعري كمان عادي
ما حد عارفني ف بلادي
اكمني دقة قديمه
طول عمري بحب بلدي
عمري وروحي وولدي
افديها بدمي
هيا أبويا وأمي
لكن بالراحة عليا وسمي
إبنك نفسة يبقى لة نصيب ف التورته الكبيرة
كلاب الليل... بقلمي عبدالله رجب ابوعدنان
