قلمي سلاحي . بقلم الشاعر القدير / المستشار محمد سليمان
قلمي سلاحي
معايا مش نايم وصاحي
يعالج كل جراحي
بكتابته للحروف
اللي ليها ملهوف
بس ياخساره
كلها قلق وخوف
علي الامه المنهاره
اللي هزت قلمي
اللي هو سلاحي
اللي حروفه كلها دموع
بتعبر عن الموضوع
واتمني الكل زيه يكون موجوع
موضوع القدس الجريح
اللي صامد وحده في مهب الريح
وسكان القصور
مولعين البخور
صعب دا علي القلم
وابدي الندم
علي حال خير الأمم
وهما بيتساقو زي الغنم
لما راحت منهم كل النعم
أولها راحت البال
من الكل اللي عليهم شغال
ماهي سابت نفسها
للغير يلعب بها
وتستاهل كل الحاصل لها
صدقو علي بعض الكلام
وقالو صح وتمام
اللي زود بينهم الخصام
وبقو كلهم حطام
ومفيش خطوة لقدام
وبس للعار تعظيم سلام
وكله خايف علي الكرسي
وسايب المركب ترسي
مطرح ما ترسي
كل ده بكي منه القلم
بيعبر عني
ماهو بدل مني
لانه سلاحي
وانا اللي قلمي سلاحي
وعمره مانام وديما صاحي
وبيحاول يكون متفائل
وبالدعاء لله سائل
عنده وحده حل كل المسائل
واه اه اه
الخط في أيدي تاه
امتي يا عرب النجاه
وتفوقو من اللي انتم فيه
والعرض نخاف بقا عليه
وكتب قلمي من تاني
نفسه تتحقق كل الأماني
ويتلم الشمل من تاني
لان اللمه ياناس كتير وحشاني
لجل تعود لنا الكرامه من تاني
و معاها اغلي اراضينا
اللي فيها مسري نبينا
اللي غيابها طال قوي علينا
ونفرح بها وهي بين ايدينا
ونقدر نفتح عنينا
ويشوف القلم السطور
ويكتب عليها بحروف من نور
لعودة الحق
اللي طال عليه الدق
من الباطل اللي بيتزق
والقلب بالحب ينبض
لكل طفل جريح
والكل مع بعض
فرحان بالود
ولحد كدا
ويبقي مفيش أحلي من كدا
الامه المتوحده
وتغيظ كل العدا
وخالص تحياتى لقلمي
ماهو قلمي سلاحي
معايا علي مش نايم وصاحي
صاحب القلم
أخوكم المصري
مستشار محمد سليمان
