جي تقول . بقلم الشاعرة القديرة * ايمان عبد الله والي
جي تقول حبي مات
تفتكر هتنسي الذكريات
انت عمري اللي جى
واللي فات
انت عشقي ليه بتحكم
بالساعات
خلاص بقي مبقاش
فى وقت للسكات
هحكي واقول خلينى
جنبك خبيني فى حضن
قلبك
عيشنى احلى الاوقات
احنا اللي بينا اكبر
من كل الآهات
بينى وبينك حلم عمري
دقات قلبك والنبضات
فاكر كل كلامنا كل همسه
كل لمسه بتقولك بحبك
فاكر احلى لحظه قضتها
بقربك
لا يا قلبي مش هتبعد
هو انت هتنسى حبك
متعاندش ده انت قدري
وانا نصيبك
تعالى حبيبى ده الغرام
صابني وصابك
مهما تبعد أنا
هستني وصالك
شاعرة الزجل
إيمان عبدالله والى
