على قدي . بقلم الشاعر القدير / عبد الله رجب أبو عدنان
على قدي.. بقلمي عبدالله رجب ابوعدنان
عشقت اتنين لأ تلاتة
الأولى عند ربي
والتانية سابتني مجروح
ف مهب الريح
كني ميت أو مدبوح
وف نظرة عنيها الشماتة
التالت على قدي
الكدب خيبة
هيا اللي حبتني
وف عيونها دارتني
ووقت ما أكون مضايق
تقدر تشيل الحمل عني واهي ساكته
لا تعرف تقول كلام الحب
ولا ليها ف الشعر ولا الغزل
إن ضحكت على غفله
م الخوف تقع وتطب
إنما وقت الجد صلبة زي الجبل
ووقت ما تكون رايقة فايقة و عايقة
عليها ضحكه تهبل و شفة زي العسل
وطعم ولا طعم البندق و الشيكولاته
حبيتهم كلهم إللي عاشت واللي ماتت
لكن دي غطت ع الكل
وعلى كل سنيني إللي فاتت
يمكن لأ نها من أول يوم كانت واضحة
بتحبني وفيا سارحة
ويمكن لأنها طيبه و مسامحة
ويمكن لأنها قوية و معاندة
ولما اغضب بشدة
تضمني وراضية
ساعات تكدب وساعات تحب
زي كل النسوان
نفسها على وش الدنيا تقب
يا حبيبتي بلاش تبكي وقولي يارب
دا دموعك واللة غالية
أقولها انتي جميله
يا ام عيون كحيلة
ليلة ف حبك تسوى ألف ليلة
تنتفض وتروح متاخدة
أقولها بحبك ممصدقاش
احلفلها بربي ما عايزاش
يا حبيبتي حبنا مكتوب ومتقدر
ولاخر العمر
وحطي اديكي ف مية باردة
على قدي... بقلمي عبدالله رجب ابوعدنان
