يا قلبي انسى . بقلم الشاعرة القديرة / هالة أحمد المسلماني
ياقلبي انسي.
ياقلبي إنسى إنك تفرح
عمر الفرح ماكان ليك
في السعادة دايماََ مالكش مطرح
الحزن ساكن جواك وفيك
لو زرع وزرعته ماكان يطرح
ولو مرة تفرح بيه عنيك
عيش لوحدك وبخيالك إسرح
هو ده اللي بيه أقدر أهديك
كل شيء أصبح حواليك بيجرح
وخلاص مفيش حد حاسس بيك
الوحدة صعبة وأكيد بتدبح
بس أحسن من اللي حواليك
ياقلبي ابكي ونوح براحتك
يمكن البكا يهديك
عشت على أمل إنك تفلح
والنهاية هم بيقتل فيك
عليه العوض ومنه العوض
في عمرك اللي راح وضاع ونسيك
بقلمي هالة أحمد المسلماني.
