بعيد عن عيني . بقلم الشاعرة / هالة أحمد المسلماني
بعيد عن عيني .
بعيد عن عيني وف قلبي ساكن
شايفة طيفك في كل الأماكن
دايماً في روحي وف قلبي راكن
أبعد وتبعد ونرجع لبعض
حبي وحبك لقلوبنا حاكم
بعيد عن عيني وف قلبي ساكن
تمر أيام وتمر سنين
قلبي من غيرك وحيد وحزين ويمتلكني الألم والانين
ويقتل فيا الشوق والحنين حياتي في بعدك ظلام داكن
بعيد عن عيني وف قلبي ساكن
حبيبي وعمري وكل هوايا
يانسمة عشق عايشة جوايا
وجودك في قلبي وروحي كفاية
إنت اللي ليا خليك دايماََ معايا
صورتك في قلبي وف كل الأماكن
بعيد عن عيني وف قلبي ساكن
أتمنى عيني تشوفك ياغالي
يامسهر جفوني أيام وليالي
هواك في دمي ونبضي وخيالي
ولاغيرك ياقلبي دايماً في بالي
ليك سلمت أمري وعمري وحالي
ياريت ما تنسى حبي خليك فاكر
بعيد عن عيني وف قلبي ساكن
ياحب العمر كله وعشقي الكبير توجتك على قلبي أمير
إنت اللي ليا تؤمر وتنهي واللي يغير منك ياعمري يغير
صون حبي لي قلبي يكون شاكر بعيد عن عيني وف قلبي ساكن
بقلمي هالة أحمد المسلماني.
