واحشني حبيبي . بقلم الشاعرة القديرة / هالة أحمد المسلماني
واحشني حبيبي
واحشني حبيبي فينك
من زمان
سألت عليك في
كل مكان
سألت عليك فى
الأراضى والوديان
وتوهت في الدنيا
ماعرفت العنوان
عقلي شارد قلبي حيران
من غيرك ياعمري
ضاع الأمان
وحياتي كانت شمعة
إنطفات واللي كان
العين تبكي والقلب ينوح
والروح راحت في خبر كان
أكلم نفسي شاري
ولا بايع وهاجر وخان
ولا باقي عليا وفاكر
حبي وليالي زمان
ودلوقت لما شوفتك
بعيني ياعمري حياتي
نورت وعاد لي الأمان
أبكي من الفرحة
وأضمك لصدري
واحشني حضنك
واحشني الحنان.
بقلمي هالة أحمد المسلماني.
