غريبة . بقلم الشاعر القدير / عبد الله رجب أبو عدنان
غريبة... بقلمي عبدالله رجب ابوعدنان
غريبة إنك عاجناني وخابزاني
ضيا ليلي وشمس نهاري
الضحكه ف عيوني
لو كل الناس ظلموني
ولا الخلق باعوني
إنتي الوحيدة اللي شارياني
غريبة والأغرب كسوفك
انا ضيك انا طيفك
يا حبيبتي اشيل منك خوفك
واخدك تملي ف أحضاني
غريبة وعمري كله ليكي
زي طفل متعلق بيكي
امريني وانا اجيكي
يا كل أوطاني
غريبة بحبك ومش قادر اقولها
ابص ف عنيكي ودموعك امسحها
الضحكه على شفايفك لسة مطرحها
المس اديكي وروحك افاتحها
واخاف لو يوم تنساني
غريبة دقات قلبي سريعة
غيابك ثانيه فراق ووجيعة
ف كل اوقاتك حلوة وبديعة
وحتى لما تزعلي دلوعه وفظيعة
وف كل مكان شايفاني
غريبة لما اقول بحبك
مارتاح إلا ف حضنك
ومانام إلا على حجرك
حياتي وروحي جمبك
يا عمري وزماني
غريب لو مش مصدقاني
ولو نسيتي حناني
بيكي يا حبيبتي اعدي أحزاني
والاقي نفسي والاقي عنواني
غريبة إنك عاجناني وخابزاني
وحتى لما اكدب عليكي
تفضحني عيوني والضحكة سابقاني
غريبة.... بقلمي عبدالله رجب ابوعدنان
