انا والحب . بقلم الشاعرة القديرة / هالة أحمد المسلماني
انا والحب.
الحب لما ضاع
محدش سأل عليه
كأن الكل ارتاح
ومبقاش يفكر فيه
زعل الحب ياعيني
وخد على خاطره ليه
عشان محدش افتكر
أيامه ولياليه
روحت انا بحب
حبيبي اصاحيه
قالي سيبني في
حالي عاوزه مني إيه
خلاص الناس باعتني
محدش غاويني ليه
فهموني العشاق غلط
ذنبي معاهم إيه
اسقيهم الهوي بإيدي
يدووني الغدر ليه
قولتله انا غيرهم
عاشقة وصادقة في
هوايا
حبيبي مفيش زايه
بعشق ضحكته وصوته
اقسملك دايبه فيه
قالي صحيح وحقيقي
ولا كلام تقوليه
قولتله والله ابداََ
بحبه وعاشقة ليه
هو قلبي وحياتي
ماليش حبيب بعديه
ولو طلب روحي
معزهاش عليه
هو كل الوجود
اقولك إيه ولا إيه
قال فرحتني
ياعاشقة
بكلامك وحبك فيه
الحب كان بيموت
جيتي انتي وصحيته
ليكي مني الحنان
والهوى والغرام بهديه
إنه يحبك كمان
وبشوقي وحنيني أرويه
انتي صادقة في
مشاعرك
وقلبك حايفوز بيه.
هالة أحمد المسلماني.
