لغة الإنسانية . بقلم الشاعر والأديب / محمد آل غبن
( لغة الإنسانيه)
بقلمي الشاعر/محمد غبن
شاعر آل غبن وسفيرا للسلام الدولي
9/5/2021
هي ليه الإنسانيه
جردوها من بني.......... البشريه
خلوا حياتهم دايما في صراع
ع اللقمه والهدمه ........والميه
وكأنهم سحبوا العقول منهم
متبرمجين زي أجسام .....آليه
والله يمكن الآليه احسن ع
القليله مفيش عليها ...مسؤوليه
لكن الإنسان أما يعيشوه
بلا هدف في حد ذاته .... بهتان
وإن حاول يفكر لحظه يتهموه
بإنه فلاتي أو سايق ....العصيان
وهوا اغلب من الغلب مش
كفايه ظلم الدنيا..................ليه
ماشي متغمي ساحبين
النفس من جوا .............رئتيه
إرحموا ضعيف الخاطر والحيله
نفسه يحقق اللي بيحلم..... بيه
بلاش ضغط لإنه بيولد
إنفجار ويحقد ع اللي ....حواليه
إوجدوا سياسة الفهم
بلاش تخيبوا أمله وتجنوا عليه
إتعاملوا بلغة الرقي معاه
هتآخدوا من وشه حبابي عينيه
رجعوله الإنسانية من........ تاني
بلاش يكون ناقم
علي كل شيء....................وأناني
وإن غلط في يوم
إبقوا حاسبوه حساب .....عسير
خلوه يحب الوطن ويعتبره
أمانه في عينه والحضن...الكبير
عمر الصعب مابيخلق عزم
البشر لازم يبقي فيه...........تغير
لجل الكل يحس بالفرق
وإن ليهم صانع قرار........وكبير
عقله يوزن بلاد ليه كلمه مش
موقف أعلى دماغه سجان أوغفير
فن التعامل لغة السمو النفسي
وبتحيد الصغير قبل ......الكبير
