الكلمة لوطني . بقلم الشاعر القدير / أبو ماهر الشيرازي
( الكلمه لوطني )
ياسورية ياأرض لقداسي
يأرض الموهبه وعلم الفراسي
أنا غنيتلك من الشعر مطلع
وأنت غذيتي من عطرك حواسي
بحلم فيك فجرك عم يطلع
وعم بيطل من خلف الرواسي
وشمسك حب لولو عم بتزرع
وتسكب خمرها الأشقر بكاسي
ياسورية بحب اليوم تسمع
وشوبتقول الحقيقه أن كنت ناسي
بدل ماتحزن وعينك تدمع
وبدل ماتضل تحت الهم راسي
تعا بكفوفنا تالشوك نقلع
ووطنا نرجعو لوجهو الأساسي
تعا عالطامعين الدرب نقطع
بوقفي جريئه وعزم قاسي
تاأيد التفرق والشر نقطع
ونكشح عنا غيوم المآسي
وعندما مننطلق من فرد موقع
ومانفرق مقاسك عن مقاسي
منرجع بهالأرض مرجع
منرجع أقوة وأصلب وأمنع
لافيها تفرقو رياح العواصف
ولافيها تنخرو أيدي السياسي.....
(بقلم الشاعر ابوماهر الشيزري زيتونة )
