حلم السعادة . بقلم الشاعرة / هبة أحمد المسلماني
حلم السعادة
بحلم دايماََ أكون سعيدة
وفرحتي في حلمي أكيدة
أحلام جميلة وكمان بسيطة
لا حلم مال ولاجاه
ده حلم راحة دايماً طريدة
بحلم دايماََ أكون سعيدة
الأحلام مش بالفلوس
جمد قلبك واحلم ودوس
على أي شيء عقبة في حياتك
خلي دايماََ وشك بشوش
كأنك عايش في دنيا جديدة
بحلم دايماََ أكون سعيدة
سيبك من الواقع وهمه
ياما علينا جرحه وغمه
قابل حلمك بصدرك وضمه
من غير حلمك روحك مريضة
بحلم دايماََ أكون سعيدة
قول للحلم قرب تعالى
من غيرك ياحلم حالتي حالة
قلبي تايه والنفس شريدة
بحلم دايماً أكون سعيدة
اهلاََ بعالم الأحلام
عالم جميل مفيش كلام
كله دفا وحب وحنان
وخلاص أنا عايشة فيه سعيدة.
هالة أحمد المسلماني.
