العمر ما عاد يتحمل . بقلم الشاعر القدير / عبد الله رجب أبو عدنان
العمر ما عاد يتحمل.. بقلمي عبدالله رجب ابوعدنان
دالوقت عايزة تحدفيني بالحجارة والطوب
ما كنت أنا العاشق وأنا إللي ع الحجر
وأنا المحبوب
ازاي بعد كل السنين
والشعر الأبيض ما ظهر
جاية تقولي ارجعلك المهر
بعد ما قضينا عمر
دالوقت بقيت مش مرغوب
خدتك ضعيفة وحميتك
وبين جفوني داريتك
عمرك طلبتيني إلا وجيتك
ومفيش بينا غالب ولا مغلوب
لو كان فيكي قوة وجبروت
افتكري إني خدتك ولساكي بنوت
كنت بحاول اكبرك
واطلعك من كسوفك
ومن السكوت
وراضي ب المكتوب
قريت كل كتب الحب من أجلك
وكل ما تحلفيني احلفلك
وأقسم ب ايمانات اللة بحبك
وكفيانا العمر ما عاد يتحمل
بكا وذنوب
طيفك جاني ف المنام
ما لحقت الملم خلجاتي
يارب هوا دا إلهام
لملمت ورقاتي وحاجاتي
وفضلت اقولك واحكيلك
عن الحب والغرام
وانتي من غير كسوف
خدتك الشجاعة ومن غير خوف
وتقولي أنسى الحب
وانسى الشعر
وما تبكيش يا حبيبي ع اللبن المسكوب
الحق عليا
طول عمري بحلف بحياتك
راضي بجنتك و نارك
والنهاردة بقت فيا كل العيوب
العمر ما عاد يتحمل... بقلمي عبدالله رجب ابوعدنان
