أحلام ضائعة . بقلم الشاعرة القديرة / سناء العاجز
احلام ضائعة
بقلنى : سناء العاجز. مصر
يغيب ايام وتمر
ساعات طويلة فى بعاده
اعاتبه يقولى انتى روحى
و استفتى قلبك ياصبيه
ده انتى المنى وفى عنيه
كان قلبى مصدقه
رسملى بحر من الخيال
من غير شط ولا مرسى
عيشنى فى الاوهام
و غرقنى فى بحر الهوى
مالقتش طوق نجاه
كدب عليا وصدقتة
ماهو قلبى فى حبه دايب
ومعاه بشوف العجايب
سقانى كأس الحنان
سرح بيا فى الخيال
حلم جميل انا عشتة
محتاحة حبك وحنانك
كان ليه الخداع
وانا كل حياتى كانت ليك
يوم ورا يوم بكشف كدبك
واسامح وانا مجروحه
ندم وخوف من بكرة
وانا مش لقياك فيه
كان املى تفضل جنبى
تحس بوحعى بحبى ليك
مالوش حدود
وتمر بيا اليالى مابين هجرك واحلامى
واصحى على واقع انا عايشة فية
