هاعيد حساباتي . بقلم الشاعر / محمد الحناوي
هاعيد حساباتي هاعيش حياتي
كفاياني خوف كفاية اقول ظروف
واعيش على حس الماضي
بكرة هابقا اقوى لسة قدامي دنيا حلوة
هاتحلى اكتر في عيني
هبدأ اتحكم فعواطفي والطيبة اللي كانت نقطة ضعفي
النهاردة هاتقويني
إن كنت خسرت حاجة بس كسبت اهم حاجة
كسبت كرامتي وفوقت مالضعف والسذاجة
كفاياني خوف كفاية اقول ظروف
قلبي انا هاعلمه ينسى ويداوي أي جراح
الايام جيالي لسة والدنيا دي براح
العالم مانتهاش ايه يعني حب ماعاش
غلطة ماحسبتهاش مش حب ولا ذنب
هاعتبره يوم ماجاش وذكرى مافتكرهاش
عيون كأني ماشوفتهاش كانت طيف وكدب
كفاياني خوف كفاية اقول ظروف
انا هادوور عالأمان في أي وشوش اقابلها
وهاعوود نفسي كمان تحب نفسي وتجملها
هابقا خيال وفارس واخاف على عمري خالص
وان كان فيه شيء ناقص هكمله بطريقتي
الندم وقته فات والألم ده كان ساعات
حب فاضل منه علامات هامحيها بإرادتي
كفياني خوف كفايه اقول ظروف
هاعييد حساباتي هاعيش حياتي
