كسرت قيودي . بقلم الشاعرة القديرة / سناء العاجز
كسرت قيودى
بقلمى : سناء العاجز
نسانى اسمى وزمانى
وسابنى للشوق كوانى
معرفش اروح له
ولا استنى يرجع لى
تانى
قابلنى فى وسط الطريق
جريت عليه نسيت
الهجر والقسوة
وقالى انت الشوق والحب
ياحلوة مقدرش ابعد ثواني
عن شط هواكى
احساسى بيك مالوش حد
وقلبى معاك بحد
وحدودى هى حدودك
مليانه شوق وهمس
عايش جوايا بتفاصيلك
اسهر مع نجوم الليل
اناجيك
ولقتنى دايبه فيك
وغرقت فى بحر الهوى
من كلمتين صادقين
حسيت بحنيه قلبك بخوفك عليا
بتحتوينى بنظرة من عنيك
مشاعرك غلبت عقلى
كسرت كل القيود
وجربت عليك
شفت فيك حب ضايع من سنين
فارس احلام ياما حلمت بيه
يعيشنى الحب يحتوينى بين اديه
قلبى رفرف من كلامه
دق دقه عر فت
يومها انى عاشقه ليه
نجرى نضحك نسهر
على ضى القمر
ونجوم الليل حوالينا
تشهد على حب عاش سنين
بعيد ويبقى واقع مش خيال
ياما وياما اتمنيته
سناء العاجز. مصر
