اصحى يا صائم . بقلم الشاعر القدير / محمد مصطفى
أصحى يا صايم
"أصحى يا صايم وأنتي ياصايمة"
أبنك نايم بنتك نايمة
قبل الوقت مايجرى فى ثانيه
أصل الدنيا زوال مش دايمه
"أصحى يا صايم وأنتي يا صايمة"
بينا نصلى قيام الليل
يطلع فجر فى يومنا جميل
علشان نعرف حق المولى
فى القراءن والسنه دليل
بس ياريت وبجد نصلى
مش ح يكون للجنة بديل
ربك دايما يغفر لينا
واحنا بنغلط جيل ورا جيل
"أصحى يا صايم وأنتي يا صايمة"
بكره وبعده الشهر يطير
مش راح نلحق بى نتهنا
خد من فضله بسرعه وطير
أبني وجاهد زى البنا
علشان تبقى حقيقى كبير
متخليش الخير يستنى
ساعد طفل وغيره يتيم
تبقى معاه دايما فى الجنه
"أصحى يا صايم وأنتي يا صايمة"
