بيصعب عليا . بقلم الشاعر القدير / على حسن
بيصعب عليا
بيصعب عليا. تشوف يوم عينيا
طفل نايم علي الرصيف
وتصرخ روحي فيا من نار الاسيه
ع اللي مش لاقي الرغيف
طب فين الانسانيه ومعاني الحنيه
والعطف علي الضعيف
ويا حسره ع البشريه بالغل والانانيه
والملك غير الوصف
كلنا تهنا وضعنا فيها ايه لو اتواضعنا
الربيع بعد الخريف
الحياه والله حلوه لما تبقي لحن غنوة
لما الضمير يصبح نضيف
يا بشر صحوا ضميركم حسوا بغيركم
خافوا زوبعة الخريف
ربنا خلق الحياة يوم بضحكه ويوم باه
ليه يا دوامة الحياه
ليه بتيجي علي الضعيف
