ريتك مره . بقلم الشاعرة القديرة / سيرين الغرايري
ريتك مرة في زنقة
وأنا نمـشي و هاربة من الخنقة
كيف ريتك شدتني الشرقة
وتمنـيت نطير بيك وفي
أول شقف ندبر حرقة
في قلبي خليتلي شهقة
على جبيني جريتلي عرقة
في بحرك رصاتلي في غرقة
إنت تجري وأنا نجري وراك
وين عندك تهرب
مني ما فماش مهرب
تمشيش لآخر الدنيا أنا وراك نتبع
ومنك عمري ما نشبع
كي نهار ما نراكش نضبع
كان نلقى نهرب بيك لغابة
ونحطك في قفص ونخبيك على
كل الناس ونبقى عليك نعس
لا نحبك لا تغزر لغيري ولا بغيري تحس
ليا وحدي تكون وحدنا بعاد على كل العيون
إي حبي ليك مش عادي حبي ليك مجنون
كي نسمع بالذرية إللي تقول راو في الحب لازم شوية حرية
كلامهم يعجبني ويطربني أما بأنانيتي في حبك حد ما ينجم يغلبني
نعرف تقلي راك هاكا تعبني
أما ماللول إنت هكا حاببني
رد بالك تقلي مرة أخرى راك تعذبني
نعذبك بالسِّيف عليك ولازمك تقُّلي
يا عزيزتي ربي يخليك
و لا زمك تقولها وإنتي فرحان
وعمرك ما توريني إللي إنتي غضبان
تعرفني في حبك مهبولة
وكي يدور بيك حد نشبشب عليه راسي كالغولة
ما تشوفنيش عاقلة وما بيدي حيلة
إللي يدور بيك نجبدلو عينيه على القليلة
نشوشطلو وذنيه ، نقصلو ساقيه، نعلقو في السماء من يديه
فهمتوني توة قداش نحبو ونغير عليه؟
#سيرين___الغرايري
من الأرشيف 😁😁
