الستر جاني . بقلم الشاعر القدير / الغيث الوفير فاروق الباشا
الستر جاني.. بقلم الغيث الوفير فاروق الباشا
الستر جاني
العطر تمر حنة
والريحة جايه من الجنة
والمية عصير ورد
متحلي بعسل شهد
والغوايش جوز وفرد
والمشاالله هدية ماتترد
والقمر بدر في تمامه
والكل عندنا ندامه
قلت له خد بايدي
دا إنت فى الدنيا سيدي
وسيدي يعني وديدي
عايش جوه في وريدي
ووصولك يوم عيدي
قال لي يللا نتهنى
بعنيكي تشوفي الجنة
ادوقت حلاوة النعمه
مشاني على بساط احمر
من فرحتي رحت اتمخطر
أصل فرحتي ماتتقدر
وجابلي ورد الوان
بايده قاطفه من البستان
وجابلي عقد لولي
اشاور يناولهولي
وجابلي كمان فستان
مزهزه وكله ستان
ده كله رهن البنان
قلت له والله فيك ماافرط
ولا يوم عليك اتشرط
دا أنا من غيرك اتغرب
ودمي مني يتهرب
اداني سلسلة فضة
لاجل تحفظني من الخضة
وكمان مصحف قراني
لاجل يزود ايماني
وجابلي معاه مصلية
أقف عليها متوضية
أصلي وادعيله
يارب يخليه ليه
ونعيش سوا ميه وميه
مع ارق تحيات الغيث الوفير فاروق الباشا مصر
