طول النهار والليل . بقلم الشاعر القدير / اسامة الغنام
طول النهار والليل (نص ساخر)
كلماتي
........
طول النهار والليل
قاعد على التليفون
بنقوله قوم يا عويل
أصبحت فيس مجنون
واتسك على الايباد
والشغل ع اليوتيوب
ما تقولي كسبت كام
ولا بتتفرج يدوب
قاعد على الفيس بوك
وعشقت قول مواويل
الاشعارات شغالة
طول النهار والليل
مبنتش يابني بيوت
ولا شيدت عمارات
ولا علت الهلفوت
ولا صدرت دولارات
ما تفوق من الأوهام
شوفلك يا ولدي سبيل
العيشه مش أحلام
والشعر مش تسبيل
العيشه شغل وكسب
مش ف القعود يا عويل
#أسامه_الغنام
