طفلة الضلمة . بقلم الشاعر القدير / رمضان عبد الله احمد
طفلة الضلمة
زي ماتكونوا ارتحتوا...
لنومي في الشوارع
انا اللى شكلى جميل...
وبرضو البخت ضايع
قولت ابيع المنادبل
أضحك لكني عليل
البرد قاتلني بالليل...
عايشة ولاعندي موانع
ياللي تحن بالكلمة....
طبطب عليا وبزمه
ربك في ده ليه حكمة....
ارحمني يلا وبهمه
ربك اكيد شايف....
بكل اعمالك عارف
مانت في الدنيا لافف.
.وعارف عيشة الضلمة
انا البنت المسكينة..
محرومة من اعظم حنان
انا اللى لعبت بيا الدنيا.
أنا اللي غدر بيا الزمان
ذنبي ايه ف اللى بيجرالي....
مين راح يسأل عن احوالي....
اشكى النهار وأبكي الليالي........
انا اللى العمر... ليها خان
___####______
بقلمي /رمضان عبدالله أحمد
