نون النسوة / بقلم الشاعر القدير / خالد فاروق
" سمك 🐳 - لبن 🍼 - تمر هندى 🍺 "
( نون النسوة - لكل مصرية )
▪︎يا محيرانى يا "نون" ••• بكل طعم ولون
▪︎يا نص أهل الأرض ••• وكل أصل الكون
▪︎يا أختى ومراتى ••• وبنتى وحماتى
▪︎عشان خاطرك يا أمى ••• أفديكى بحياتى
▪︎أصل إنتى عرفانى ••• مش كنتى شيلانى؟!!!
▪︎جواكى وأما أتولدت ••• جوايا ف كيانى
▪︎واللى يزيدك حب ••• إن إنتى مصرية
▪︎نصك يدفى القلب ••• والباقى حنية
▪︎يا كف ضليله ••• يا حلوه يا حليلة
▪︎يا حس مالى البيت ••• ومجمعة العيلة
▪︎طول عمرى هفضل أصون ••• جوايا حرف "النون"
▪︎أصل النبى وصانا ••• ولا عمرنا هنخون
عجبى !!!
( خالد فاروق )
