مش هعاهدك . بقلم أميرة الشعراء / أ . مشيرة النقيب
((((((((مش هعاهدك)))))))))
إن اشوفك مرة تانية
أو أقابلك
أو أحس براحة مرة
م إللي شوفته
في حبي منك
أيوة حسة براحة تامة
لما فوقت لروحي بعدك
ليه في قربك كنت واهمة
إني مرتاحة وبحبك
كان بيتهيألي إنك
كل ضحكة كل بسمة
وان عمري هيبقى ضلمة
لو نسيت وبعِدت عنك
عاوزة أقولك
إني بَعدك قلبي هادي
والمشاعر ماشية عادي
قصدي أقولك
إني مرتاحة ف بعادي
اني فعلا قلبي فاضي
عاوزة اقولك
إنت عندي صبحت ماضي
كنت واهمة ومش بحبك
مش هعاهدك
بقلمي
أ. مشيرة النقيب
16/12/2020
