وليه يا حبيبي مستعجل . من روائع أميرة الشعراء / أ . مشيرة النقيب
❤❤❤
(( وليه ياحبيبي مستعجل؟ ))
وليه يا حبيبي مستعجل
ولا بَصِيتش في عيوني
ماكانش الحال من الأوِل
وحال أحبابي ينسوني
يزيد إحساسي بالوحدة
برغم كتير يحاوطوني
وليه م الأنس تحرمني
تغيب عني وتنساني
و إنت النور لنور عيني
وروحي إللي سكناني
ولو هتكون مخاصمني
هيفضل ليَ إيه تاني
ولو يوم رُحت ونسيتني
زماني الحلو ينساني
دا قلبي إنت دقاته
ولو يسكت تكون صوته .
بيهتف بِسمَك الغالي ؛
في عز كلامه وسكوته
ياكل الحلو في عيوني؛
حياة قلبي .كمان موته
عيونك ليل وسحراني
جمال هايم في ملاكوته
ودنيا جميلة وخداني
لحب العمر ما أفوته..
***
نسيت إزاي تشوف عيني
وعيني عليك لطول وقتي
لالحظة تروح بعيد عنك
كانك صورة في مرايتي
بنظراتك يدوب كاسي
يا أحلى مافية ياحكايتي
عيونك هيَ إحساسي
فداك الروح ياروح قلبي
هحبك حتى لو ناسي
لاعمري أداري..ولا اخبي
**
حبيبي ..
كنت مستعجل
صارحني ليه?
ياروح قلبي
بقلمي
أ.مشيرة النقيب 8/11/2020
