لو كان صادق . بقلم الشاعر القدير / رمضان عبد الله احمد
لو كان صادق
الحب لو كان صادق....... تفرح بيه القلوب
يتهنى بيه العاشق.... وعن الهجران بيتوب
وتهيم الروح للروح..... وتزول كل الجروح
وايام صعبة بتروح تنساها روح المحبوب
تتفتح ليها الزهور... وتغني معاها الطيور
والسما تزهزه بالنور...والسعد يكون ميسور
تتلاقى احبه كتير....... والفرح يكون كبير
ونهر الحب غزير... وحسود هايبعد مجبور
ويوم مابتقابلني........بانسى ايام هجرانك
حتى لو بتألمني......... باحب ساعة غرامك
بنفرح ويا بعضينا ...والدنيا بتضحك لينا
والنبض بيصحينا..... ونقوق لحظة حنانك
عشاق تتعلم منا.. لما يشوفونا ف سعادة
يبصوا ويباركولنا...........بيتمنولنا الزيادة
واحبه جايه تهني.......بلحن جميل بتغني
ومعاه يزيد التمني.......يبقى غرامنا عادة
**********
بقلمي / رمضان عبدالله أحمد
