طبطي . بقلم الشاعر القدير / عبد الحليم شبانه
طبطبي
طبطبي عليا يا أمي
طبطبي عليا وضمي
دا أنا محتاج لحنانك
وده غصب عني
لأنك يا أمي وحشتيني
ومشتاق لحضنك تضميني
ومن عطفك تديني
ومن حنانك تسقيني
مشتاقلك شوق العاشقين
مشتاق وكلي حنين
يا حب عمري والسنين
وفي بعادك بكون حزين
آلامي بتبعد عني
لما بتحضني وتضمي
بتطفي نار وألمي
وعمرك شايلة همي
ضميني يا أمي
يا حب عمري
وبعادي غصب عني
يللا احضني وضمي
وحشني شوقك وحنانك
ووقفتي وأنا قدامك
لما أكون بين أحضانك
يارب يسعد أيامك
طبطبي عليا يا أمي
طبطبي يللا وضمي
عمرك شايلة همي
وبعادي غصب عني
طبطبي
