كنت بعاتبك . بقلم الشاعر القدير/ جمال القاضي
( كنت بعاتبك )
بقلمي / جمال القاضي
-------------------
كنت بعاتبك
لإني بحبك
دلوقت خلاص
شوفت الحب بقلبك
مات
أصبح زي الدمية
منظر حلو
وصوت مسموع
من غير إحساس
وكل ثواني
كلام وخلاص
فاكر كل كلامك ليا
البارح
كنت تقول
ولاعمري أغيب
ولاعمري أنساك
كنت ترن عليا
في كل صباح
وأسمع منك
أحلى كلام
بس اليوم
كل كلامك ليا نسيته
وصبح يمر وغيره يمر
حتى رسايلك هيا كمان
نسيتها خلاص
بيني وبين نفسي أقول
يمكن فيه مشغول
وأصبر نفسي
وقلبي أقوله
إهدا بنبضك
عمره ماينسى وعوده
عمره ماينسى وعود الحب
بس كلامك وحتى وعودك
راحت فين
ليه خليتني
مشيت بطريقي لوحدي
لاعارف رايح فين
وأكلم نفسي كلام
صرت معاه مجنون
ناس بتشاور ناحيتي
مجنون من الحب
أسمع منهم وكأني
ماسمعت كلامهم
بس كلامهم كان يجرح فيا
كنت أقول إيه ذنبي
ذنبي علشان حبيتك
ولا لأنك غدرت بقلبي
وروحت نسيته
نفسي أقولك حاجه في قلبي
هعيش من حبك
باقي العمر بذكرى
أمسح فيها سطورها
أقطع صفحه كان مكتوبها
حروف من إسمك
فوق بسطورها
وأحرق كل كتاب
وكل قصيدة قلمي كتبها
كنت أغازلك فيها
وأفتح صفحه جديدة
أكتب فيها نسيتك
وأبدأ قصة جديدة
بس تكون أحداثها
رواية أكتبها لغيرك
أعيش أحداثها بحب وصدق
بس الأول أعالج قلب
كان البارح داء من حبك
أول مره ميكروب ويصيبه
-----------------------
مع تحياتي ( جمال القاضي )
