بحن ليك . بقلم الشاعرة القديرة / اسماء عجور
راح بحن برضو ليك
كل يوم أصبح عليك
مهما نسيتني هشتريك
قلبي خلاص أصبح عليل
لحبك انت..... أصبح ذليل
أنا قلبي مدمر نهائي
مع إن كلامك إن انت باقي
مش هتسبني ف وسط الطريق
وبقيت أنا على قلبي جاني
وبين قلبي وعقلي نشب الحريق
كل الكلام صدقته منك
بتسبني ليه اتعلق بيك
ما دام قرارك تنهي حبك
تخليني ليه اكون قربك
سبني اهجرك مع إن قلبي هيموت غريق
بس اوعدك ف يوم ما هبعد هنهي الطريق
مش هيبقى فيا باقي للمناهدة مع دنيا ظالمة
منيتني بالحب ولما دقته حكمت عليا بإني جانية
طب اعمل إية؟
اخترت ليك سكة غير سكتي
وبقيت تقابل كل يوم دمعي ف ضحكتي
محستش بيه؟
أنا قلبي من يومها مضلل سكتي
مش عارفة ..ضاع مني الطريق
أنا بينكم أيوة اليوم وبس
بكرة هكون فين ؟مين فيكم حس؟
أنا خلاص مش هسيب ليا إثر تشوفه حتى بعنيك
أخترت واخدت قرارك لوحدك ...ووجودي بقا لا يعنيك
انت عارف إن أنا من غيرك هموت
اخترت ليا برغبتك ...دنيا السكوت
كنت معاك قادرة اقاوم شدتي
بقدر أعافر وانسي همومي وشكوتي
خسارة فيا ضحكتي...استكترتها
بقت عيوني مش عارفة ليلها من نهارها
بتبكي على فرقتك
ليه هو خلاص..دي محبتك؟
أنا عمري ضاع بعدك يا غالي
مبقاش ليا روح والله سكناني
حتى النفس مخنوق ..حزين
احكي لمين...واشكي لمين؟
اوقات كنت بحزن لما تستكتر كلامي
والله كنت وقتها عايزاك تسمعني يا غالي
كنت ببكي وقتها ..واقول معذور ..كفاية عليه أحزانه
هكون أنا والأيام بهدم ف حالة
يا بت اصبري ..هيكون معاكي
خليكي انتي الفرح ليه
وبلاش جدال..وبلاش كلام كتير
كنت بصبر..وكله عشانك
حتى غيرتي من قلوب واقفة قصادك
بلاقيك ترق بكلامك..بغير عليك
لكن خلاص ...خلص الكلام
واخترت انت البعد..فبلاش الملام
قررت انت تبعد عن حياتي
يبقى انت اخترت يكون مماتي
رسالتي ليك دموعها سايلة جوا حضن الليل
قلبي بعدك يا غالي............... أصبح عليل
بقلمي أسماء عجور
