يا شمس دفيني . بقلم الشاعر القدير / ياسين مصطفى بكري
***** يا شَمس دَفيني *****
شُفت البلابل فوق عالاغصان
الدنيا الصُبح يا شمس دفيني
عَمَ بتِنشِد أجمَل القُصدان
ومن نور عَينَيكِ سَحًرتيني
شُفت العيون والحلى الفَتان
من بعيد بلُطفِك غَمَرتيني
يا ريت تيجي زيارة للاوطان
ونحكي غَزَل وانتِ تِطربيني
شفاف حمرا لمعة المرجان
ولخدود من بركان بكويني
والنسمة حلوة تنقذ الغرقان
من بحر حُبِك لا تنقذيني
من لون عينيكِ أنا حيران
كيف بثواني عم تجذبيني
حبيت اغرق جوى بالطوفان
تقولي شهيد وانتِ ترثيني
...بقلمي...ياسين مصطفى بكري....
