وداع بوداع . بقلم الشاعرة القديرة/ عزه السيد
اشتقتله كلمته
وندهت بصوتي عليه
ياقلبي ساكت ليه
صدي صوتي يرد عليه
.....
حبيبي
معقوله مش سامع
معقوله العين بتتدامع
وجه ناسي مفيش مانع
موجوع منه وانا قانع
وماسألشي وقال مالك
وأنا عذراه
....
وبعت رساله وبكتب لك
بريئه والله من ذنبك
وعارفه اني مش ملكاك
وإني مش ورده ف الشباك
وبساَمحك عشان عشقاك
وبهمسلك مش عايزاك
هَخَرَجْ مني إدمانك
ع راحته فخد راحتك
........
هتصحي تلاقيني مش فاكراك
وهتلقا زهور روحي بقت كرهاك
مقلوع من ارضي زي منا زرعاك
وهيتخلي عنك كل شي فيا
........
هسجلك ف كراسي
عليها وداع
وهكتب بمداد الدمع
(طلع بياع)
وهسيبلك لك الذكري
تقوله وداع
وداع بوداع
💕 💕 عزه السيد
