اتسألت عنك . بقلم الشاعرة القديرة / عزه السيد
اتسألت عنك انت
وقفت منطقتش بحرف
اتسألت عليك وحسه
وقعت من فوق الف جرف
هو مين
طب هرد وأقول دا مين
الي باعني من سنين
هيصدقو كدب الحنين
والدمعتين الحزنانين
أنا وحنيني كدابين
هقول دا مين
............
هيهَون عليا اشيل اديك
من حضن ايدي ف ثانيتين
هيهون عليا اجرح ورودي
إلى رويتها......... بالانين
............
هيصدقوني ازاي وليه
هما حسوا زي بيه
هما ماتو شوق عليه
علشان يحسو بيا ولا بيه
.......
بصولي بصه زلزلتني
حسيت برعشة حيرتني
معقوله لسه بحن ليه
كنت فاكره نسيت حنانه
وإني أقوى من زمانه
وإني مهما اشوفه
عمري ما هرجع إليه
.......
يادوب سألوني عنه
حسيت بروحي بتناديه
امال بقا لو شوفته مره
والله راح اجري عليه
عزه السيد 💕 💕 💕
