جرحتني . بقلم الشاعر القدير / عبد الحليم شبانه
جرحتني
أيوة إنت جرحتني
وتعبتني
أيوة إنت تعبتني
مكنتش اعرف
إني أهون عليك
ولا كنت أصدق
إن تخوني عنييك
إزاي إنت قدرت
تجرح قلب بيهواك
ليه إنت جرحت
قلب كان معاك
ليه علقتني بيك
وعذبتني بهواك
دا أنا كنت شاريك
وكنت فاكرك ملاك
آتاري حبك سراب
وعرفت تخدع وتخون
ويفيد بأيه العتاب
داللي بيحب بيعرف يصون
بيصون القلب اللي حبه
وبيحافظ عليه
هو قلبي إيه ذنبه
ليه جرحته بس ليه
إوعاك تفكر ترجع
ما خلاص اللي راح راح
وليك عمري ما هرجع
ومن غيرك هعيش مرتاح
جرحي وهعرف أداويه
وكفاية لوم وعتاب
إنت اللي جنيت عليه
وعيشته في أمل كداب
جرحتني
أيوة إنت جرحتني
وتعبتني
أيوة إنت تعبتني
جرحتني
