مين قال . بقلم الشاعرة القديرة / أسماء عجور
مين قال إن الدنيا راحة
كل لحظة بتكون بشارة
بعدها بثانية الوفاة
إللي حبيته يسيبك
كنت حاسه الكون بحالة
بالنسبة ليك طوق النجاة
لما تعمل بس غلطة
أو ف لحظة ذلة لسان
هي دي برضو الحياة
لو هتحلف له بحبك
هو قادر يوم يسيبك
وانت تتمنى الوفاة
أيوة والله الموت ده راحة
مش هتظلم واستباحة
مش هتطلب طوق نجاة
ربنا عالم بحالك
يعلم إنك وبعنادك
راح بتطلب يوم دواه
طب للحظة ..حس بيا
حس بدموعي ف عنيا
ببكي دايما وبجروحي
طالبة موتي مش حياة
كنت خايفة تسبني يوم
طب حاسبني بس دوم
خلي قلبك لحظة يسعني
يسمع الشكوى ورجاه
يا حبيبي ليه تسبني
انت ليا دوا لجرحي
انت فرحي ف الحياة
لو تعاتب الف مرة
بس متسبنيش ف مرة
خليك معايا بالحياة
لو خيروني يوم بحبك
أختارك. انت وبرجاء
شفت قلبي...حس بيه
كل دقة بتناديك
لو هييجي اليوم تبعني
طول حياتي هشتريك
بقلم/أسماء عجور
