قطر الفراق . بقلم الشاعر القدير / محمد حسين ذكى
الشاعر/
محمد حسين زكى
محافظة/ الفيوم
قطر الفراق
🚧🚧🚧🚧🚧
قطر الفراق قرب
من صوته عارفينه
ومنه ليه بنهرب
وياريتنا شايفينه
والكل متغير
الكل مستغرب
دايما يجيبه العيب
عالقطر وسنينه
ويجرحه القضبان
وبييجوا عالغلبان
ويقولو كارهينه
قاطعين تذاكر موت
من وقت ماركبنا
بتلومو ليه عالقطر
ونسيتوا مراكبنا
ماهى برضو غرقانة
ودموعنا فى عنينا
على ناس مفارقانا
والعيب ده مش فى القطر
ولا عيب مراكبنا
احنا اللى فينا العيب
وعيوبنا مليانة
ضاع من ايدينا العمر
وراح كمان الستر
فاضحين مابينا السر
واخدنا عالمرمطة
دايما نحب الشر
ونسينا ليه الخير
دايما نضحى لناس
مستكترين فرحنا
ومسكنا فى الاخلاص
مع خلق متلونة
فى وجعنا شمتانة
طب ذنبه ايه القطر
فى اللى احنا عايشينه
احنا اللى فينا العيب
وفراقنا جوانا
🖼🖼🖼🖼🖼🖼
#الشاعر_محمد_حسين_زكى
