وقت الوجع . بقلم الشاعرة القديرة / اسماء عجور
وقت الوجع مين يسمعك
لما اتوجعت ...قلبي انخدع
أنا أمي سابت دنيتي
والدنيا سرقت فرحتي
وقتها نزلت دمعتي
يا أمي فينك طب رحتي ليه
الناس بقا ليها ألف وش
الدمعة تنزل منها بغش
من وقت أما سبتيني للدنيا تهت
والله تهت
بقيت بقعد لوحدي....تعبت
والله تعبت
يا أمي موتك هدني
م الصدمة قام هزني
وجعني موتك أوي
والله ما نسيتك
ف كل ركن فكراكي
خدعني حتى هواكي
يا أمي والله تعبت
كم مرة فيها انجرحت
وبرضو ملقتكيش
ودموعي وقتها نزلت
والله منستكيش
يا أمي الوجع جوايا ساكن
بقا ملازمني ف كل الأماكن
ولو حبوني كل البشر
يا أمي ميلزمنيش
أنا حبي ليكي حكاوي
بالله متسبنيش
يا عيني ليه بتدمعي
أمي مظلمتكيش
سبتيني ليه ما ترجعي
والله منستكيش
مش معترضه يا ربي
راحت حبيبتي الغالية
راحت مودعتنيش
بقلمي همسة عتاب
