يا غايبه وعايشه جوايا
ياريتك يا اما سمعانى
ضناكى يا حته من قلبي
بعدك فى الدنيا بيعاني
بقيت تايه وانا يا اما
فى وسط الخاله والعمه
غريب يا اما بضيع يا اما
محتاج لعنيكي ترعانى
ياريتك يا اما سمعاني
،،،،،،،،،،،،،،،،،،،،،،،،،،،،،،،،،،،،،،،،،،
فى يوم عيدك بغنيلك
وبكتبلك واناديلك
وبترحم فى كل صلاه
على روحك وبدعيلك
يتيم يا اما بقول الاه
ولا يعلم بي غير الله
ولو بإيديه يا حبيبتي
اسيب الدنيا واجيلك
بقيت تايه وانا يا اما
فى وسط الخاله والعمه
غريب يا اما بضيع يا اما
محتاج لعنيكي ترعاني
ياريتك يا اما سمعاني
،،،،،،،،،،،،،،،،،،،،،،،،،،،،،،،،،،،،،،،،،،،
خلاص يا اما فارقتيني
ومن حضنك حرمتيني
يمين الله بتكوي الاه
فى قلبى وروحي وسنيني
بموت والله وانتي بعيد
وبتموت كل فرحه أكيد
ولا بعدك ها ييجى العيد
واقولك ايه وحشتيني
بقيت تايه وانا يا اما
فى وسط الخاله والعمه
غريب يا اما بضيع يا اما
محتاج لعنيكي ترعاني
ياريتك يا اما سمعاني
،،،،،،،،،،،،،،،،،،،،،،،،،،،،،،،،،،،،،،،،
وبفتكرك يا نبع حنان
اشوف الخير فى كل مكان
اغمض عيني علي صورتك
احس براحه واطمئنان
وافتح عيني من تاني
تضيع الصوره فى ثوانى
والاقى الخطوه وخدانى
فى اخر مرسى للإنسان
أقضي ساعات اقول يا اما
ماليش بعدك حبيب يا اما
غريب يااما بضيع يا اما
محتاج لعنيكي ترعاني
ياريتك يااما سمعاني
ياريتكيااماسمعاني
