المستخبي بيبان . للشاعرة القديرة/ أسماء عجور
المستخبي بيبان
ومفيش ستار
الكل بيخلع الأقنعة
وبينكم أنا محتار
شايف وشوش تانية
الظلم كان جبار
رديت وقلت أنا مالي
يمكن تكون أدوار
الكل كان غشاش
أيوة قطار قشاش
وليه اكون بينكم
شفت العذاب ألوان
وليه أشوفه كمان منكم
دارت عجلة الأدوار
ودورى أكيد الجاي
والكل هيحفر لي
ويعرف تفاصيلي
والمستخبي يبان
ربك بيستر عبده
ليه تفضحه يا إنسان
عايش كده بينكم
بالستر والخذلان
ليه تحفروا قبره
قبل الأوان بأوان
بالحب عاش بينكم
وليه تضحكوا ف وشه
وتكيدوا بالخذلان
شايفه دموعه فرح
منكم ده قلبه انجرح
بالكدب والبهتان
حتي ولو كان غلط
ربك كريم رحمان
قادر بيغفر ذنوبه
التقوى يا إنسان
هخرج أنا وأسيبكم
هخليكوا وضميركم
ولا يمكن أعيش بينكم
بالكدب والخذلان
شفت الهموم ألوان
والله دقت مرار
ما كفاية ذل ومهانة
الرحمة يا إنسان
طالبة رجاء واحد
كفاياكم ظلم وهوان
والله لو غلطان
ربك كريم رحمان
بيغفر ذنوب إنسان
ولو كانت كالجبال
بقلم/همسة عتاب
