الدنيا . بقلم الشاعر القدير / محمد البحيري
الدنيا عثرات وجوايز
والخسران تايه فالفايز
واللى محال مخلوط بالجايز
ولا عشان مش حاسة الضعف
بتعملينا بضرب الكف
إحنا رجولنا تعبت لف
بس يا دنيا كفاية آسية
بزيادة خبط و تلطيش فيا
خلى ف عينك حصوة ملح
و اتلمى شوية يا مؤذية
هو مفيش حد مالى عينك
و بتضربى ديما بجبينك
لو عجبك الصوت و القوة
إحنا قلوب صافية من جوا
و هنديكى كلام فجنابك
هنكسر قفلك على باب
فين شهدك بزيادة هبابك
توكيلك ليه ديما فحم
الجتوه مش جوا قاموسك
كله زيت اسود و الشحم
شبعنا خلاص و هنكدب ليه
بهدلتينا يا بنت الأيه
ليه توبك ديما بالغامق
فين الوردى شاورى عليه
#محمدالبحيرى*
