حبيبي بكاش . بقلم الشاعرة القديرة ( عزة السيد )
شاعر وأديب أحمد حسين حبيبي بكاش من يومه
لكن جدع ملو هدومه
اقوله كل يا حبيبي جعان
يقولي بشبع بالشوفه
واعيش انا ع طول فرحان
لما بشوفك مكسوفه
يا حبيي بطل شغل جنان
انا روحي عليك ملهوفه
طب خدلي بالك من نفسك
يقول لي انتي خايفه عليا
أقوله لا ولا اصلا شيفاك
ولا همنني يا عنيا
........
يقول والله كدابه
والكدب باين ف عنيكي
تعالي اقولك ع حاجه
انا قولت لاانا مش جايا
ولا عايزه منك ايها شي
قالي ياحلوه يا سكرتي
قلت كدا مش راح ادادي
ولو زعلت ولا هراضي
قالي ياماما تعالي يلا
هقولك انا ع حاجه حلوه
وقفت ولا رديت له جواب
وعملت نفسي مش سامعه
قالي تعالي يا كل الاحباب
انا قلت بكاش ومرازي
ومش هرد عليك بردو
اول مجه و قال 🤒 تعبان
لقتني جري عليه بسمي
مالك بس يا نن العين
قالي ببكش يا حياتي
عايزك هنا بس تجيني
وتحلي بالقرب سنيني
وطابخه ايه يا نور عيني
ولا مش ناويه تغديني
ضحكت وقلت يا خراشي
متجوزه اكبر بكاش
حبيبي عسله بزياده
وبحبه انا فوق العاده
والدنيا ديا من غيره
والله ماف يوم راح تتعاش
ضحك وانا من ضحكته
ااه
انا كدا انا روحت بلاش
