لما تبقى حزين . بقلم الشاعرة القديرة / عزة السيد
كنت يوم ماشيه ف سكه
و كان طريقي طايل
لما تبقا حزين لوحدك
ومفيش للهم شايل
شوفت زهره من بعيد
لونها احمر شكلها ف الحسن
هايل
عيني وقفت من جمالها
والكلام صامت لحلاها
قلت الله ع الجمال
يسلم ايد من سقاها
وخدتني الذكريات
لعمر عدا وعمر فات
الكلام أصبح سكات
عدي شريط الذكريات
هي نفس الورده هي
لا شبهها
إلى جه هو ف يوم
وراح قطفها
واعطهاني وقالي
هي شبهك ف الجمال
بس نشفت والجمال
أصبح ذبول
لما بفتح يوم كتابي
ببصلها وأقول
ايه بيحصل للقلوب
والعقول
الزمان غير كلامنا
وكمان خلانا ننسى
أن أول لقانا
كان معاكي
نسيناكي
بس انا مش هنسا ابدا
يوم لقاكي
وذكرياتي انا وحبيبي
يوم معاكي
تسلمي يازهره نديه
رجعتي عمري ليا
ورجعتيني صبيه
💕 💕 💕 عزه السيد
