هيا انا . للشاعرة القديرة / عزة السيد
هيا انا
زي مبؤلك كدا هيا انا
نفس الي حبتها يا عمري
من سنه
هي هي نفس صورتي
نفس شكلي نفس روحي
كل حاجه شكرت فيها
هيا انا
انا ذي مانت قلت عني
انا دواك وضحكتك
ذي بردو مقلت عني
إني مليت انا دنيتك
هي انا
ممكن اعرف ايه حصل
فجأه حسيتني غريبه
فجأه روحي بقت مريبه
فجأه قلبي الابيضاني
بقا حد تاني
بزمتك دي مش غريبه
معقوله اتحول ف لحظه
من حبيبه لغريبه
لا وايه بعد مكنت فيا تشكر
اصبحت بتطلع عيوب
وترمي فيا بكلام
مش مني خالص رمي طوب
........
بس علشان عني تبعد
طب ماتبعد
بس سيبني ذي منت
لقيتني بردو
روحي حلوه
قلبي ابيض
مش هقول كمل معايا
أو ننهي مع بعض الحكايه
كل الحكايه اني امنتك
ع حب عمري من البدايه
لا عمري مهجيب ف سيرتك
ولا هحكي عنك ف النهايه
.........
بس ممكن قبل ما ننهي
مع بعض الطريق
تاخد ف ايدك اي شي
انسي بيه انك رفيق
وبودعك وارجع انا
خلاص كدا اخر الطريق
💕 💕 💕 💕
