مش عايزه اتكلم . للشاعرة القديرة / عزة السيد
انا مش عايزه اتكلم خلاص مليت
انا جيتك وكنت فاكره حضنك بيت
انا جوايا بتألم وعمري مارديت
انا خلص الكلام مني وما اترددت
هقولك كلمتين مني لاني ست
............
لما تيجى تاخذني من حضن
إلى رباني اميره
لما تيجى تقول بحبك
وتخلي ايامي أسيره
لما تتعطف وترضي
وتخلي ذكرايا اليمه
انا سكت عن الكلام
انا خلصت العلام
انا خلاص خدت لقب انا المدام
.............
المدام يعني استدامه
يعني ايام من الندامه
يعني بقيت متأخره
يعني مفيش متحرره
يوم متبقي داخله
بيتي انسي احلام الصبا
انسي انك نص ليه
تبقى هنا ذي البوفيه
وكفايه عليكي انك
عايشه ويايا وليا
ولقب جيا تورثيه
انتي المدام هوفيه بعد كدا تاني كلام
............
جيا ليه تعترضي وتقولي هاملني
انتي اصلا ليه ومعموله عشانه
هو يجي يقسى ويزود جنانه
وانتي لازم تبقى راضيه
وتسلمي وانتي مطاطيه
هو سندك مش هننكر
هو حلمك عيشي بيه
بس فين حقي عليه
حق ايه هو انتي هبله
جايا تطالبيني بايه
كل يومي شايل همومي
باكلك وبشربك
وبشتريلك ف العيدين
لبس السنه
هو كدا قصرت انا
لا ياعمري انت كدا كله تمام وعملت واجبك ع التمام
مع المدام
............
انتي جايا تقولي حقي
انتي فاكره هتملكيني
لا ياستي انا حر
لكن انتي هتطعيني
غصب عنك انتي
ليا واشتريتك
انتي كمان هتيجي
تفتحي موبايلي ورسايلي
شكا فيا مستحيل تكوني
عاقله
انتي ليكي حق حتا تقولي
كلمت مين
ولا مشغول ف المكالمه
بقالك دلوقتي ساعتين
لا دي كدا انتي عديتي
الحدود
الزمي حدك يا اما
هتبقي ماضي وهطلقك
انا بالثلاثه
اعقلي وبلاش جنان
حتى لو غلط بردو
عدهالي ١٠٠٠ مره
امال ياماما مسيري
هرجع اعقلي يا ام العيال
وإن معقلتيش خلاص
هعقلك كدا واجيبلك
ضره تغيظك وتعلمك
ازاي تقولي اه ولا
وليا حق
الشرع والدين قالو حقي اربعه
خلاص كدا يلا اعقلي
وقومي اعمليلي حاجه
حلوه
دي مكافئه ع الخيانه
ولا ع كلام العتاب
مش هعترض كله تمام منا المدام وليك من قلبي
تعظيم سلام
...........
لو الصوره كدا انك تمام تعظيم سلام
