لازم اسكت . بقلم الشاعر القدير / احمد منصور
انا لازم اكون ساكت
وأنا اصلا حتكلم ليه
احتجت لحضن يواسيني
او حد حنين اصعب عليه
الكل استخسر يساعدني
او يمد لي حتي اديه
او حد يطبطب عليا
او يمسح دمعي باديه
يبقى ليه احكي وهتكلم. ليه
مبقتش عايز اعرف حد
مبقتش قادر احكي كلام
الدمع نازل نار علي الخد
و لوحدي بحارب الايام
لوكان جبل كان يتهد
مانا عايش والسلام
مبقاش قدامي غير اليأس
وخوف من كل الناس
حبيت الوحده والعزله
مات خلاص فيا الاحساس
محدش فيكم يقولي اتكلم
معلش انا اسف مش حقول
مانا ياما كنت موجع بتألم
اصل انا فيكم بقيت مذهول
محدش فيكم جي يواسيني
او حتي قالي اي حلول
انا بيكم بقيت عايش
زي الأعمى وسط طابور
يبقى الأحسن اكون ساكت
مش لازم احكي واقول
#احمد
