مصر حلوة برجلتها . بقلم الشاعرة / عزة السيد
مصر حلوه برجالتها
بقلم عزه السيد
💕 💕 💕 💕
مصر حلوه برجالتها
بعشقها رافعين رايتها
ف المصانع ف النوادي
ف الحارات ع القهاوي
كله واقف لحمايتها
مهما كان الصعب فينا
ف كل ضحكه هتلاقينا
مهما نبعد عنها نرجع
محنا راحتنا ف راحتها
لو هتحزن مصر يوم
يبقي كل الحزن فينا
فدا عيونها هتلاقينا
هتلاقينا الفرح ليها
احنا مهما هيجري ليها
روحنا عادي تروح فداها
لو قابلنا ف يوم عداها
هيلاقينا ضهر ليها
هي منا وروحنا فيها
وروحها هيه برضو فينا
لما تندهنا تلاقينا
موجودين مهي نور عنينا
الشوارع فيها فرحه
مصر رجعت تاني لينا
حتى لو قسيت علينا
مش هترضي الذل لينا
هي امي ومهما قسيت
مش هترضا اهانه لينا
قلبها طيب حنين
حابه لينا الخير تملي
قولي مين يقدر علينا
بعد دعوة حب منها
يبقا دي كفايه علينا
💕 💕 💕 💕 بقلمي
