مش هفكر .. للشاعر القدير/ السيد العطار
مش هفكر في اللي فكر
يأذي قلبي. ويخدعوا.
واللي كان.ديما ظالمني
وقلبي ديما يوجعوا.
ألف مرة كان بيقسي
ع اللي حبوا وخاف عليه
سبني بتألم وأسي
وضيع الحب بأديه
كان مفكر أني هفضل
لعبه سهله في الهواء
دا اللي باع حبي وحناني
أرمي قلبه في الهواء
مش هفكر .!!!
لسه ياما كتير هيندم
ع اللي عملوا وع اللي قالوا
قلبي قرر يشطب أسمه
من حياته ومن خيالوا
مش هيضعف تاني ليه
مش هيسأل يوم عليه
مهما تعمل خير في قلبه
دي الخيانه طبع فيه
مش هفكر !!!!........
.................................
بقلم /السيد العطار
